Galicia poderá disfrutar da "derradeira leición" de Castelao

A inauguración da mostra na que se exhibirá a obra de Castelao 'A derradeira leición do mestre' terá lugar o 5 de outubro, segundo confirmou este xoves o conselleiro de Cultura, Román Rodríguez.

Rodríguez atópase na capital arxentina xunto ao secretario xeral de Cultura, Anxo Lorenzo; para ultimar os detalles da cesión temporal do cadro, propiedade do Centro Gallego de Buenos Aires. A obra, considerada unha das máis representativas de Castelao, chegará a Galicia o próximo outono. O 5 de outubro terá lugar a inauguración da exposición na que se exhibirá na Cidade da Cultura.

"Foi un reto expor esta oportunidade de exhibir por primeira vez o cadro en Galicia, pero é posible porque miramos cara á colectividade con moito respecto, orgullo e con ganas de seguir construíndo pontes", declarou o conselleiro.