Centro Galego de Bos Aires

O que foi o máis importante centro galego do mundo por distintos motivos chegou a esta situación case terminal. Levo máis de vinte anos advertindo desta situación. Agora vivimos os momentos finais desta historia. A Xunta de Galicia evitou por todos os seus medios de que se coñeza a verdade desta crise. A realidade é que se chegou a esta dramática situación por culpa directa do Partido Popular e a Xunta de Galicia.

 

Podemos dicir que a crise ten unha orixe na decisión de Manuel Fraga Iribarne cando decide impulsar Fundacións, co fin de privatizar servizos. É así foi como se creou a Fundación Galicia Saude que se fai cargo da xestión sanitaria do Centro Galego. A totalidade das Agrupacións de socios do Centro Galego eran e son afiliados ao Partido Popular. A Xunta e estes dirixentes cómplices utilizaron a esta institución para a colocación de centenares de empregados.

 

Durante moitos anos a xestión directa ou indirecta de Santiago Camba home de confianza de Manuel Fraga, foi clave para implementar unha política liquidacioncita desta institución. Ante o abandono e o endeudamiento inmenso producido pola xestión da Xunta de Galicia, o futuro do Centro Galego quedou en mans das autoridades arxentinas. Agora co actual interventor móvense intereses inmobiliarios para comprar o edificio a prezo de saldo.

 

Desde fai varias décadas veño sostendo que esta entidade sanitaria xa non ten razón de ser cando a emigración galega de primeira xeración está na súa etapa terminal e non existen novas remesas de emigrantes. Por iso é necesario que as distintas partes interesadas poidan chegar a un acordo, para darlle unha solución ao problema. Por unha banda a Xunta de Galicia debe asumir a súa responsabilidade nesta crise. Debe contribuír a pagar a débeda acumulada pola súa mala xestión. Os socios e os traballadores deben solicitar que este hospital pase ao dominio público, como se fixo co hospital Francés que se traspaso ao PAMI (organismo sanitario dos xubilados) durante a xestión da Presidenta Cristina Fernández.

 

A Xunta de Galicia mentres tanto debe de garantir por un tempo de cinco anos o financiamento do funcionamento do hospital. O traspaso do hospital do Centro Galego ao pobo arxentino e ao seu sistema de saúde, debe ser parte do eterno agradecimiento dos galegos e galegas pola solidariedade dos arxentinos coa nosa emigración. En calquera acordo entre partes débese garantir a saúde de calidade para os socios desta entidade.