Animalistas critican o "xogo sucio" da Xunta por non dicir onde será un campionato de caza de raposo
O vindeiro domingo día 27 está convocada unha protesta cidadá no Obelisco da Coruña para mostrar a oposición a estas prácticas.
- En Marea esixe información sobre o novo campionato de caza de raposo deste domingo
- Denuncian a un cazador por dar unha puñada e apuntar cunha escopeta a un manifestante contra a matanza de raposos
Por E.P. | SANTIAGO DE COMPOSTELA | 18/01/2019 | Actualizada ás 12:29
A asociación animalista Libera acusou á Xunta de facerlle o "xogo sucio" ao lobby procaza, ao non revelar onde se celebrará o denominado Campionato galego de caza de raposos con cans previsto para esta fin de semana.
Nun comunicado remitido aos medios, os animalistas censuran que esta falta de información afecta tanto a "profesionais de información" como ao labor de monitoreo e supervisión dos defensores dos animais.
Precisamente, a celebración dunha competición deste tipo a pasada semana en Cerdedo-Cotobade (Pontevedra) motivou o enfrontamento entre animalistas e cazadores. Tras iso, un dos participantes nas protestas organizadas o sábado neste municipio pontevedrés avanzou que denunciaría a un dos cazadores por presuntamente terlle propinado unha puñada na cara e encañonalo coa escopeta.
Ante estas cuestións, os animalistas chamaron a participar o vindeiro domingo, día 27, nunha protesta cidadá convocada no Obelisco da Coruña para mostrar a súa desconformidade ante a autorización destas prácticas.
