Lenine continua inspirando as luitas emancipatórias

O 21 de janeiro de 1924 falecía Vladimir Ilich Uliánov, mais conhecido como Lenine.

Por Carlos Morais | Compostela | 23/01/2019

A sua genialidade foi determinante para superar o timoratismo e confort na que estava instalada a direçom bolchevique em abril de 1917, conduzindo ao proletariado russo pola via insurrecional vitoriosa na Revoluçom de Outubro.

Contrariamente ao que se poda pensar, a maior ameaça que padece o leninismo -como continuidade, desenvolvimento e aperfeiçomento do marxismo-, nom procede do exterior do campo político que se reclama "comunista".

Todas as tentativas do imperialismo por manipular e criminalizar a sua coerente açom teórico-prática nom lográrom evitar que Lenine siga sendo o referente da luita operária.

Porém, o verdadeiro perigo é a adulteraçom dos fundamentos do leninismo que pratica a imensa maioria das forças e partidos que se reclamam "comunistas".

A maior homenagem, no 95 aniversário do seu falecimento, é resgatar o leninismo do amorfismo e folclorizaçom que pratica a socialdemocracia disfarçada de comunista.

Combatamos sem trégua nem concessons a banalizaçom do seu legado, a esterilizaçom do seu projeto anticapitalista e revolucionário, polo reformismo e o revisionismo hegemónico no movimento operário.

Lenine é inspiraçom e guia da luita proletária mundial, e d@s comunistas galeg@s contra a exploraçom capitalista e a libertaçom nacional da nossa Pátria.

Carlos Morais nasceu em Mugueimes, Moinhos, na Baixa Límia, a 12 de maio de 1966. Licenciado e com estudos de doutoramento em Arte, Geografia e História pola Universidade de Compostela, tem publicado diversos trabalhos e ensaios de história, entre os quais destacamos A luita dos pisos, Ediciós do Castro, 1996; Crónica de Fonseca, Laiovento, 1996, assim como dúzias de artigos no Abrente, A Peneira, A Nosa Terra, Voz Própria, Política Operária, Insurreiçom, Tintimám, e em publicaçons digitais como Diário Liberdade, Galicia Confidencial, Sermos Galiza, Praza Pública, Odiário.info, Resistir.info, La Haine, Rebelion, Kaosenlared, Boltxe ou a Rosa Blindada, da que fai parte do Conselho assesor. Também tem publicado ensaios políticos em diversos livros coletivos: Para umha Galiza independente, Abrente Editora 2000; De Cabul a Bagdad. A guerra infinita, Dinossauro, 2003; 10 anos de imprensa comunista galega, Abrente Editora 2005; A Galiza do século XXI. Ensaios para a Revoluçom Galega, Abrente Editora 2007; Galiza em tinta vermelha, Abrente Editora 2008; Disparos vermelhos, Abrente Editora 2012. Foi secretário-geral de Primeira Linha entre dezembro de 1998 e novembro de 2014. É membro do Comité Executivo da Presidência Coletiva do Movimento Continental Bolivariano (MCB). Fundador de NÓS-Unidade Popular em junho de 2001, formou parte da sua direçom até a dissoluçom em maio de 2015. Na atualidade, fai parte da Direçom Nacional de Agora Galiza e do Comité Central de Primeira Linha.