Xunta e Federación de Redeiras Artesás inician liñas de colaboración en materia de violencia de xénero

A secretaria xeral de Igualdade, Susana López Abella, mantivo unha reunión coa Federación de Redeiras Artesás 'O Peirao', na que acordaron iniciar novas liñas de colaboración para este ano enmarcadas no Pacto de Estado contra a violencia de xénero.

En concreto, segundo informa a Xunta, Susana López Abella e a presidenta da Federación, Verónica Veres, acordaron pór en marcha accións relativas á prevención e sensibilización no ámbito das mulleres maiores, colectivos de especial vulnerabilidade e/ou singulares, como é o caso das redeiras.

A Federación Galega de Redeiras Artesás 'O Peirao' conta a día de hoxe con sete asociacións e máis de 100 mulleres integradas.