A Xunta destaca o impacto económico dos festivais de música galegos
O impacto económico varía entre máis do medio millón do Sinsal Son Estrella Galicia ata os preto de 9 do Resurrection Fest de Viveiro.
Por Europa Press / Redacción | SANTIAGO DE COMPOSTELA | 22/05/2019 | Actualizada ás 18:53
A Xunta destacou o impacto económico dos festivais musicais galegos e a elevada valoración por parte dos asistentes, como constatou tras a elaboración dos informes de avaliación sobre o PortAmérica, Resurrection Fest, Revenidas, Sinsal Son Estrela Galicia e SonRías Baixas.
En concreto, a incidencia destes eventos reforza "o seu carácter estratéxico", tanto desde o punto de vista cultural como turístico e económico, que varía entre os máis de 575.000 euros do Sinsal, localizado e de tamaño reducido, ata os preto de 9 millóns de euros do Resurrection Fest.
O Goberno galego tamén destacou as "elevadas cifras" coas que os asistentes valoran estes eventos, situándose no 8 sobre 10 de forma global e no que festival de Viveiro obtería o valor máximo, cun 8,65.
