Evacuada unha ciclista tras caer da bicicleta na que circulaba en Oímbra
Por Europa Press / Redacción | SANTIAGO DE COMPOSTELA | 10/06/2019 | Actualizada ás 09:36
Unha ciclista resultou ferida de consideración na noite deste domingo no termo municipal de Oímbra (Ourense) ao caer da bicicleta que manexaba.
Segundo informou o 112 Galicia, debido á gravidade das súas lesións a muller tivo que ser trasladada no helicóptero medicalizado con base en Ourense a un centro hospitalario.
O accidente ocorreu no lugar de San Cibrao, no municipio de Oímbra, sobre as 21,10 horas deste domingo. Foi unha persoa particular a que alertou do sucedido ao 112 Galicia.
O Centro Integrado de Atención ás Emerxencias (CIAE) requiriu a intervención de Urxencias Sanitarias de Galicia-061 e da Garda Civil de Tráfico. Ademais, pasou aviso aos Bombeiros de Verín.
