A UNED de Ourense incorpora o grao de Enxeñaría da Enerxía
Este será o último curso no que se permita acceder cun título de Bacharel anterior a 2016-2017, de non facer a selectividade.
- O reitor da UNED di que hai "dispoñibilidade total" para o proxecto do Centro de Intelixencia Artificial en Ourense
- As universidades galegas ensaian cun protocolo para reducir o consumo de auga e enerxía
Por Europa Press / Redacción | SANTIAGO DE COMPOSTELA | 19/07/2019 | Actualizada ás 13:11
O Centro Asociado da Universidade Nacional de Educación a Distancia de Ourense introduce, dentro a súa oferta académica, a novidade do Grao en Enxeñaría da Enerxía, que se suma aos 26 graos que se poden estudar no centro educativo e cuxo período de matriculación permanecerá aberto ata o día 23 de outubro.
O novo grao pretende "facer fronte aos retos tecnolóxicos, formando aos futuros profesionais con coñecementos sólidos nas disciplinas básicas e xeneralistas", explicou o director do Centro Asociado, Jesús Manuel García.
Por outra banda, o Grao en Criminoloxía cumpre catro anos desde a súa implantación en Ourense, completándose por tanto a primeira xeración de criminólogos con "bastante éxito", ratificou.
Dentro da oferta da institución destacan tamén os másteres. Neste apartado, cabe resaltar a posta en funcionamento o próximo curso 2019/2020 de tres novos: Máster en Enxeñaría e Ciencia de Datos; Máster en Ciberseguridade e Máster en Psicoloxía da Intervención Social.
NOVIDADES NO SISTEMA DE ACCESO
Jesús Manuel García fixo especial fincapé en que este será o último ano no que, para acceder á UNED, se permite "estar en posesión dun título de Bacharelato do Sistema Educativo Español anterior ou simultáneo ao curso 2016-2017". Este requisito só se ten en conta no caso de non superar a selectividade ou probas de acceso á Universidade para maiores de 25 anos.
Hai cinco anos que se puxo en marcha en Ourense a UNED Senior, dirixida ás persoas maiores de 55 anos que poden elixir para estudar oito materias dun total de vinte. "O sistema de estudo non é o convencional na UNED e os matriculados non obteñen unha carreira universitaria, pero poden continuar formándose naquelas materias que lle interesan", precisou Jesús Manuel García.
Precisamente, o prazo para matricularse na UNED Senior termina este sábado. No entanto, abrirase un novo período en setembro para aquelas materias que non completasen a súa cota.
CONTEXTO
A UNED é "a Universidade pública máis grande de España" en número de alumnos, alcanzado os 250.000 estudantes. O seu método de estudo non presencial é "máis cómodo, flexible e adaptado ás necesidades e ao ritmo de cada alumno", manifestou o director do Centro Asociado en Ourense.
A metodoloxía da UNED para o estudo a distancia é a máis completa e avanzada que existen no mercado español. "O estudante ten acceso ás aulas virtuais, materiais complementarios, foros e chats", remarcou Jesús Manuel García.
Ademais, a pesar de que o alumno da UNED non asiste a clase como nas universidades presenciais, "nunca está só", engadiu.
