A axenda de Mariano

No 82 a dereita irritábase porque os xornalistas progres tiñan a ousadía e mala educación de tutear ao presidente do Goberno: “Felipe, ¿ti que pensas de Solchaga?”, “compañeiro Felipe, ¿como ves o dos estaleiros de Ferrol?”. Todo con moito compadreo. Logo veu Aznar e restableceuse a orde e o vostede: ninguén ousaba chamarlle Josemari, salvo a súa muller, Jordi Pujol e Bush, todos eles na máis estrita intimidade. Con ZP a cousa revolucionou do colegueo da cella e o sorriso aberto ao rostro impávido e a xordeira, daba igual tratarlle de ti ou de vostede: non sabe, non contesta.

A como vai o quilo de xornalista?

Indignándonos do cese estúpido en TVE de Xabier Fortes –magnífico xornalista e mellor persoa- e de todos os demais caídos na purga estalinista, pregúntame unha colega madrileña: “Oe, a como anda en Galicia o quilo de xornalista? Aquí, na capital, está tirado de prezo e cada día máis barato”.

Caixas...de cartón

[Parlamento Galego: pleno urxente aproba a creación dunha Comisión de Investigación sobre as Caixas de Aforro e transforma Novacaixagalicia nunha fundación]

Feira internacional da Tomadura de Pelo

Celebrouse en Santiago a II Feira Internacional de Emprego, que oferta, agárrense, ¡405 postos de traballo!, e inaugouna moi alegres alcaldes e autoridades, e saen todos en televisión con cara de estar facendo algo. Algo máis, quero dicir, que enganar as ilusións e alentar falsas esperanzas a miles de mozos e mozas galegas en paro.

Serio conflito diplomático entre El Bierzo e Galicia

A aprobación polo Parlamento de Galicia o pasado 3 de maio dunha Proposición non de Lei que invade claramente as competencias da veciña Comarca do Bierzo, desatou un grave conflito diplomático que leva camiño de converterse nunha pedra máis no duro camiño do presidente Feijóo cara a súa reelección.

Apolítico/a?

Sei que é difícil -pero que moi difícil- coa que está caendo dicir unha palabra, unha soa, en defensa da política e os políticos. Pero tamén é preocupante o linchamento da democracia.

Peronismo en Vigo

¡Que crack o conselleiro Alfonso Rueda facendo carambolas ao billar! Consegue cabrear dunha tacada aos do PSOE (“Carlos Príncipe irrita ao PSOE ao presentar un acto de Rueda”, El País) e aos seus (“A elección do exalcalde socialista Carlos Príncipe para presentar a charla de Rueda causou perplexidade e malestar nun sector do PP vigués”, Faro de Vigo). Todo a conta do cumprimento desa promesa electoral a maior honra e gloria de Corina Porro, a nosa Evita Perón, mascarón de proa de Feijóo en Vigo, estrelado nas Municipais 2011 contra o correoso muro de Abel.

Vantaxes da dimisión de Conde Roa

1ª. Defensa propia: Si o actual alcalde de Santiago, don Xerardo Conde Roa, evidentemente inocente, dimite motu proprio, antes de que as circunstancias lle lo impoñan e o seu partido lle lo esixa, recuperará unha grande paz e tranquilidade persoal e familiar, que lle desexo sinceramente. Así poderá defenderse mellor, coa liberdade persoal que agora non ten polas súas obrigas e servidumes institucionais. Ademais, poñerá no seu sitio a quen lle ataca sen misericordia e non será cómplice deses mesmos que, crucificando a un inocente, enlaman o bo nome e prestixio de Santiago de Compostela.