Animalistas denuncian a presenza dun raposo "tiroteado" nunha árbore de Ponteceso

A asociación animalista Libera denunciou a presenza dun raposo "tiroteado e torturado" nunha árbore en Ponteceso, segundo informa.

Nun comunicado, explica que ao animal se lle puido ver nun camiño transitado habitualmente pola veciñanza e senderistas e que este foi o lugar escollido para deixalo "con signos de ser tiroteado e presumiblemente torturado con cans, unha práctica que os escopeteiros --sinala en alusión aos cazadores-- fomentan para mellorar as 'calidades' dos cans".

A Asociación Animalista Libera denuncia que no período comprendido entre 2011-2017 "foron masacrados preto de 75.000 raposos en Galicia", mentres que critica o posicionamento da Xunta respecto deste tipo de situacións.

Por outra banda, lembran que están a levar a cabo unha recollida de firmas "reclamando o fin da caza con cans, unha modalidade que só engade crueldade e violencia aos denominados 'lances', ante a mirada cómplice dos cazadores".