Ross Ainslie & Tim Edey abren a programación do Festival de Ortigueira

Ross Ainslie & Tim Edey abrirán este sábado, día 15, a programación do Festival do Mundo Celta 2020 co primeiro concerto do ciclo 'Festival no Teatro', unha iniciativa que se mantén ao longo do ano como actividade paralela do Festival de Ortigueira.

O espectáculo deste "excepcional" dúo escocés, apunta a organización do ciclo, terá lugar este sábado ás 20,00 horas no teatro de beneficencia de Ortigueira.

As entradas pódense adquirir xa en liña por anticipado no correo electrónico teatro@festivaldeortigueira.com, ou presencialmente nas oficinas de Cultura do Concello de Ortigueira. O prezo é de 4,50 euros.

Ross Ainslie & Tim Edey. FESTIVAL DE ORTIGUEIRA | Fonte: Europa Press