Celanova celebra o Día do Pai con globos nos balcóns e a Rianxeira de fondo

Nunca un Día do Pai coma este se viviu, no medio dunha alerta sanitaria por mor da expansión do coronavirus e cunha morea de restriccións de mobilidade para previr os contaxios desta enfermidade. A situación é complexa, mais tamén é importante non perder o sentido de humor e intentar facer este tempo máis levadeiro.

En Celanova decidiron, con este mesmo propósito, encher os balcóns de globos de cores e facer soar a Rianxeira ao longo de toda a rúa Emilia Pardo Bazán. Unha iniciativa veciñal para aledar estes días de confinamento a través de música ambiente e decoracións en plena festividade de San Xosé.