Medios de EE.UU. destacan a labor das forzas policiais de España entregando máscaras á xente
Mentres, nalgúns estados norteamericanos a policía é utilizada para mallar nos que non levan máscara no transporte público. Sindicatos policiais galegos dicían este martes que facer iso é "impropio" do seu traballo.
Por Galicia Confidencial | Compostela | 15/04/2020 | Actualizada ás 11:00
A ABC, unha das catro canles televisivas máis importantes dos EE.UU. destacou nun dos seus informativos o feito de que as forzas policiais españolas estean entregando máscaras de protección aos cidadáns, especialmente, en estacións de metro, tren e autobús.
Police in Spain are handing out face masks at train stations to help prevent the spread of the coronavirus. https://t.co/YCEdxeDzxb pic.twitter.com/U7Vh5UkaXr
— ABC News (@ABC) April 14, 2020
Unha situación moi diferente á que se vive en determinados estados e cidades de Estados Unidos, onde a Policía é utilizada para desaloxar do transporte público ás persoas que non teñen máscara.
do riders know that they might be pulled off a SEPTA bus by 10 cops for not having a mask? pic.twitter.com/NnHXJC02E8
— Philly Transit Riders Union (@phillyTRU) April 10, 2020
Este martes, e a pesar da loubanza de medios estadonidenses deste tipo de actividades, catro sindicatos policiais trasladaron aos mandos policiais en Galicia que consideran "unha función impropia" ter que repartir máscaras á cidadanía e comunicaron que deberían ser outros colectivos, como Protección Civil, Bombeiros e servizos de emerxencias, os que poderían desenvolver este labor.
