Coñece o mellor viño de Valdeorras do 2020
A D.O. Valdeorras entregou os Premios da XXI Cata Oficial dos Viños de Valdeorras.
Por X.M. Fernández | O Barco de Valdeorras | 03/08/2020 | Actualizada ás 11:00
O Luar do Sil Godello 2019 e Viña de Fornos Mencía 2019 foron os gañadores en brancos e tintos da XXI Cata Oficial de Valdeorras. O evento, que tradicionalmente se dirixía ás adegas presentes na Feira do Viño, este ano estivo aberto a todas as interesadas en participar. Foi unha das decisións que se tomou dende o Consello Regulador despois de ter que suspender a cita anual cos mellores caldos valdeorreses por mor da Covid19.
Un total de 21 adegas cun total de 57 referencias distintas (29 tintas e 28 de branco) participaron na Cata que tivo lugar nas instalacións do Consello Regulador o pasado 10 de xullo e na que participaron como avaliadores oito catadores expertos.
Estes foron ,pois, os premiados da XXI Cata Oficial dos Viños da D.O. Valdeorras:
Viños brancos
1º Premio- O Luar do Sil Godello 2019 de Pago de los Capellanes S.A.
2º Premio- Alán de Val Godello 2019 de Adega Alán S.A.T.
3º Premio- Casal Novo Godello 2019 de Adega O Casal S.A.T.
Viños tintos
1º Premio- Viña de Fornos Mencía 2019 de Fornos GRS C.B.
2º Premio- O Cepado Mencía 2019 de Adega O Cepado S.L.
3º Premio- Viñaredo Mencía 2019 de Bodega Santa Marta S.A.T.
As mencións especiais “viños doutras añadas” foron para Mil Rios Godello 2018 de Terriña S.L., no caso dos brancos, e Domus Crianza 2014 de Bodega Roandi S.L., no caso dos tintos.
