Extinguido o incendio forestal de Oímbra tras queimar unhas 30 hectáreas

O incendio forestal que se iniciou este luns no concello ourensán de Oímbra quedou extinguido sobre as 20,30 horas, tras calcinar algo máis de 30 hectáreas, segundo a información da Consellería de Medio Rural.

A brigada contra incendios forestais de Laza advertira de que había "moitísimo vento" na zona, o que favorecía a propagación do lume. As chamas declaráronse sobre as 11,30 horas na parroquia de Videferre e, segundo os últimos datos, calcinaron 30,7 hectáreas, 30 delas de arboledo.

Para a extinción deste lume, segundo informou Medio Rural, foron mobilizados dous axentes, 11 brigadas, sete motobombas, seis helicópteros e dous avións.

Incendio forestal en Oímbra | Fonte: TVG.