Baixan a seis os falecidos pola COVID-19 en Galicia
Con todo o número de mortos achegase xa aos 1.300.
Por Europa Press / Redacción | SANTIAGO DE COMPOSTELA | 09/12/2020 | Actualizada ás 21:44
As vítimas da pandemia na comunidade galega eleváronse a un total de 1.287 este mércores, tras a confirmación por parte das autoridades sanitarias de seis novos falecidos por COVID-19.
Destas seis novas mortes, catro están relacionadas con brotes e casos rexistrados en residencias de maiores. Entre eles atópase unha muller de 100 anos e un home de 86 anos, ambos os falecidas no CHUO e procedentes do centro San Antonio de Beariz.
Así mesmo, unha muller de 85 anos e outra de 92 anos, que faleceron no Hospital Miguel Domínguez de Pontevedra e no CHOP, respectivamente, procedían da Residencia Soremay.
O resto de falecidos foron un home de 77 anos ingresado no CHUP e outro de 88 anos que se atopaba en atención domiciliaria en Ferrol, concretamente nas Pontes. Todos os casos presentaban patoloxías previas.
