A comida ecolóxica tamén está de moda
A parroquia de Quilmas, en Carnota, organiza este domingo un mercado de produtos ecolóxicos e varios debates sobre reciclaxe a situación actual do agro.
Por GC Tendencias | Carnota | 18/06/2013 | Actualizada ás 16:00
A plataforma pola defensa do patrimonio cultural de Quilmas e a asociación Rainha Lupa organizan este domingo un novo mercado de produtos ecolóxicos.
A feira, que comeza ás 10.00 e remata ás 20.00 horas, contará con hortalizas de tempada, apicultura e mel, artesanía de proximidade, conservas e fermentados, cosmética e saúde natural e actividades de ecoloxía e consumo responsable.
Obradoiros
Tamén se organiza, coma complemento a esta xornada, un obradoiro de reciclaxe de palés en móbeis e unha mesa de intercambio de pareceres sobre a situación do agro e das persoas que viven no rural.
Ademais terá lugar un debate sobre as posibles solucións ao conflito que xurde entre a produción agrogandeira e os xabaríns, poloos danos que este animal produce nos cultivos.
