A farmacia do Complexo Hospitalario de Ferrol funciona a partir deste luns no Hospital Naval
Por E.P. | SANTIAGO DE COMPOSTELA | 27/06/2021 | Actualizada ás 20:23
A Farmacia do Complexo Hospitalario Universitario de Ferrol (CHUF) funcionará plenamente a partir deste luns no Hospital Naval, no seu novo emprazamento na planta baixa.
O seu traslado comezaba xa coa activación das Consultas Externas o pasado 16 de xuño. Nos últimos días, tal e como indicou o Complexo nun comunicado, a profesionais da área realizaron o traslado progresivo dos distintos departamentos deste Servizo Central.
No seu novo emprazamento, o servizo crece en metros cadrados e pasa dos 800 metros cadrados cos que contaba ata o momento, aos máis de 1.150 metros cadrados dos que dispón neste espazo "totalmente renovado", e no que estará mentres duren as obras da Fase I do Plan Director.
No comunicado, o Hospital destacou que co traslado da farmacia desde o Hospital Arquitecto Marcide ata o Hospital Naval do Complexo, "libéranse espazos que son necesarios para continuar coas melloras que implica o Plan Director do Complexo Hospitalario".
