Abogados Cristianos pide á Xunta que repoña o monumento a Juan Pablo II no Monte do Gozo

A asociación Abogados Cristianos pediu á Xunta de Galicia que repoña o monumento a Juan Pablo II do Monte do Gozo, en Santiago de Compostela. De non facerse, afirma que non descarta iniciar un procedemento contencioso.

A súa presidenta, Polonia Castellanos, denuncia que "a Xunta permite que en Galicia haxa monumentos a líderes comunistas como o Che Guevara, en contra das recomendacións do Parlamento Europeo, mentres derruba símbolos cristiáns, atentando contra a propia Constitución".

Asegura que "os gobernantes utilizan calquera escusa para destruír monumentos cristiáns. "Neste caso, a Xunta dixo que faría unha intervención para conservar e pór en valor o monumento e o que fixo foi eliminalo e deixar só unha placa", engade.

A Sección Sexta da Audiencia Provincial da Coruña acolle un xuízo | Fonte: arquivo