Atopan morto con signos de violencia a un galego nun hotel de Panamá

Un home galego de 65 anos foi atopado morto nun hotel da cidade de Panamá, segundo informan medios locais. O diario de noticias Crítica explica que o corpo foi achado con signos de violencia por persoal do propio hotel situado na rúa Aquilino de la Guardia. Agora investíganse as causas da morte. Segundo datos do Rexistro mercantil, este home, C.S.R., tivo nos últimos tempos diferentes empresas na provincia de Pontevedra, como unha compañía de iluminación no municipio de Nigrán.

Coche da Policía Nacional de Panamá | Fonte: Wikipedia