Galicia ten máis de 5.800 casos por violencia de xénero activos en Galicia no sistema VioGén
Supón a quinta maior cifra entre comunidades.
Por Europa Press / Redacción | SANTIAGO DE COMPOSTELA | 14/01/2025 | Actualizada ás 21:45
O Ministerio do Interior ten detectados no Sistema VioGén ata xaneiro de 2025 un total de 5.801 casos activos por violencia de xénero en Galicia. En todo o estado ascenden a 101.962, segundo os últimos datos estatísticos do departamento que dirixe Fernando Grande-Marlaska, que recolle Europa Press. A cifra de Galicia supón a quinta maior entre comunidades.
En concreto, os datos reflicten que a 31 de decembro de 2024 hai un total de 101.962 casos activos por violencia de xénero en España, 869 máis que hai un mes. Destes, 12 están en risco extremo, 849 no alto, 13.611 no medio, 43.895 en baixo e en 43.595 non se aprecia.
Tamén revelan que hai 53.792 casos con menores a cargo de vítimas de violencia de xénero. Así, reflicten que 1.467 están en risco de ser agredidos polo maltratador da súa nai. En concreto, catro atópanse en risco extremo, 100 no alto e 1.363 no medio. Ademais, mostran que hai 2.569 casos con menores en situación de vulnerabilidade media, alta e extrema (1.343, 76 e un).
