A Deputación da Coruña crea unha liña de axudas a confrarías de pescadores e agrupacións marisqueiras
A través deste programa, un total de 27 pósitos coruñeses recibirán entre un mínimo de 3.808 e un máximo de 19.500 euros para a contratación de persoal e a mellora de infraestruturas e procesos de comercialización.
Por E.P. | A CORUÑA | 13/08/2021 | Actualizada ás 17:23
A Deputación da Coruña apoia ás confrarías de pescadores e agrupacións de mariscadores e mariscadoras para o desenvolvemento da súa actividade cunha achega de 430.945 euros que permitirán cofinanciar a contratación e mantemento de persoal, mellora de infraestruturas e procesos de comercialización, entre outros.
A través deste programa, un total de 27 pósitos coruñeses recibirán entre un mínimo de 3.808 e un máximo de 19.500 euros para a contratación de persoal e a mellora de infraestruturas e procesos de comercialización.
Por outra banda, o organismo provincial financia na súa totalidade, a través do Plan Único, un proxecto valorado en 260.000 euros para a mellora da vía que vai desde a igrexa de San Andrés de Barciela ata o cruzamento da Candelabaeira, na parroquia de Barciela do Concello de Santiago.
