Activo un incendio en Coristanco e controlado o de Valga, que afecta a 0,8 hectáreas
O incendio en Valga permanece controlado dende, aproximadamente, as tres da tarde.
Por Europa Press / Redacción | SANTIAGO DE COMPOSTELA | 24/08/2021 | Actualizada ás 17:14
Un incendio forestal permanece activo no municipio coruñés de Coristanco, onde arderon, ata o momento, 0,5 hectáreas de superficie arboredo. O lume, segundo informou a Consellería do Medio Rural, declarouse ás 15,51 horas deste martes na parroquia de San Paio de Coristanco.
Outro incendio, o que afecta desde as 14,00 horas deste martes a Valga está controlado desde as 15,06 horas. As chamas, polo momento, queimaron un total de 0,8 hectáreas, segundo as primeiras estimacións.
Ademais, o lume que desde a noite do luns afecta o concello coruñés de Ponteceso continúa estabilizado. A última estimación mantén en 90 as hectáreas calcinadas.
Por último, os servizos contra incendios lograron extinguir outro incendio forestal que queimou 0,38 hectáreas no municipio coruñés de Vimianzo.
