Lidl anuncia unha expansión en Galicia cun investimento de 30 millóns en dous anos
Por E.P. | SANTIAGO DE COMPOSTELA | 31/08/2021 | Actualizada ás 12:13
Lidl destinará 30 millóns de euros en dous anos, entre o pasado exercicio e o actual, para reforzar o seu plan de expansión en Galicia, segundo informa. Nun comunicado, a cadea de supermercados remarca que está a fortalecer "máis que nunca, o seu compromiso coa sociedade e o territorio galego".
"Nun contexto no que a crise sanitaria esixiu unha resposta unitaria e sen precedentes dos chamados sectores esenciais", sinala. "A consolidación desta vinculación cimentouse en tres alicerces: o aumento de investimento no seu programa de desenvolvemento na comunidade autónoma, o reforzo da aposta da marca polo produto e os provedores locais, e a xeración de emprego", remarca.
A peche de ano fiscal 2020, a cadea de supermercados empregou 13 millóns de euros para afianzar os seus plans de expansión na comunidade nun período no que abriu a súa maior tenda na rexión (Vigo-Jacinto Benavente) e levou a cabo a modernización do seu establecemento da Guarda.
