Especialistas en psicoloxía clínica demandan "equidade" nos tratamentos da sanidade pública

As Sociedades de Especialistas de Psicoloxía Clínica da sanidade pública reclamou este domingo, con motivo do Día Mundial da Saúde Mental, equidade no acceso aos tratamentos psicolóxicos de calidade nos servizos sanitarios públicos, "en tempos e doses axustados ás recomendacións profesionais das principais guías de práctica clínica".

"Consideramos que para avanzar nesta equidade é imprescindible un plan operativo de Saúde Mental que inclúa obxectivos e asignación de orzamentos anuais que nos acheguen á media europea, con certos indicadores específicos", aseguraron.

Tales indicadores serían o incremento de especialistas en Psicoloxía Clínica, o de prazas PIR, o de especialistas de Psicoloxía Clínica en Atención Primaria, así como a porcentaxe da poboación que accede aos tratamentos psicolóxicos con "doses" terapéuticas" recomendadas e a demora no acceso a estes tratamentos.

Así mesmo, reclaman a aprobación da especialidade de Psicoloxía Clínica infanto-xuvenil e a dotación desta especialidade nos servizos de saúde mental para garantir unha atención psicolóxica de calidade a esta poboación especialmente vulnerable.

Neno facendo deberes. MÁSTER EN PSICOLOXÍA CLÍNICA E SAÚDE - Arquivo