A crise climática abre a porta a batir o maior récord de precipitacións da historia
Os meteorológos alertan de marcas moi próximas aos 1.000 litros por metro cadrado, unha liña vermella que podería estar máis preto pola crise climática.
Por Galicia Confidencial | SANTIAGO DE COMPOSTELA | 24/10/2021 | Actualizada ás 10:00
Dende os inicios da sensibilización pública sobre a crise climática, veñen xurdindo voces críticas que din non apreciar ese cambio de temperaturas e precipitación subliñado polos científicos dende finais do século XX. O propio Donald Trump puxo en dúbida --xa no Despacho Oval-- o quencemento global porque "facía frío fóra" nunha mañá de 2019.
Porén, as advertencias que pouco a pouco deixa a crise climática contan tamén con puntos de inflexión que serven para advertir ata que punto se trata dunha problemática real e con risco para o modelo económico e social actualmente imperante. Unha das máis coñecidas e tratadas polos expertos do eido é a marca de precipitacións dos 1.000 litros por metro cadrado en 24 horas, unha circunstancia excepcional e que ata o momento non foi rexistrada oficialmente pero que podería achegarse por mor dos cambios no clima.
"En España existen varios antecedentes de riadas catastróficas", explican dende Meteored. A plataforma recorda diversos casos de precipitacións inusuais que mesmo chegaron a borrar pequenos núcleos de poboación do mapa. Agora, as precipitacións de 890 litros por metro cadrado nun só día en Xénova abren de novo a porta a que se conquiste a triste marca dos 1.000 litros.
Un os casos máis próximos no Estado español data de hai case 40 anos. "É coñecido por todos o evento de choivas torrenciais do 19 ao 21 de outubro de 1982 na vertente mediterránea, unha catástrofe que cambiou a historia da previsión e alerta meteorolóxica. Como consecuencia da rotura da presa valenciana de Tous, a crecida no Júcar alcanzou unha punta de 16.000 m3/ s e provocou inundacións nas que máis de 30 persoas perderon a vida e os danos materiais foron incalculables", destacan dende a plataforma.
Porén, o récord oficial de España en 24 horas sitúase nunha marca de 817 l/m² que se produciu o 3 de novembro de 1987. En Europa, hai varios casos no que os rexistros pluviométricos achegáronse aos 1000 l/ m2, como é o caso de Rosellón, na Provenza, na contorna do Golfo de Xénova, e en Córsega. "Agora, debido a unha maior densidade da redes meteorolóxicas e a un aumento dos fenómenos adversos co cambio climático, poida que pronto se rexistren os primeiros 1000 l/m² en 24 horas en Europa, xa si de forma oficial", destacan dende a plataforma.
