O río Limia desaparece en Xinzo de Limia

Non é a primeira vez que acontece pero non por iso deixa de chamar a atención. O río Limia, un dos máis caudalosos de Galicia, volve decorrer seco ao seu paso por Xinzo de Limia. A asociación ecoloxista Adega vén de calificar a situación do chamado "río do Esquecemento" de "desfeita ecolóxica".

O Limia non cruza, de feito, a localidade polo seu leito natural. Faino por unha canle pola que desaparece o seu caudal aló menos durante tres meses ao ano. E os motivos lévanos tempo apuntando dende as entidades ecoloxistas: o cambio climático e, de fondo, a desecación por parte da Ditadura franquista da Lagoa de Antela, entre outras afeccións.