Abanca ultima o período informal de negociación do axuste pola integración de Bankoa e Novo Banco
Afectará a uns 350 traballadores.
Por E.P. | SANTIAGO DE COMPOSTELA | 03/12/2021 | Actualizada ás 17:31
Abanca ultima estes días o período informal da negociación cos sindicatos dun axuste que estima que afectará a uns 350 traballadores pola integración de Bankoa e Novo Banco.
Segundo fontes sindicais consultadas por Europa Press, é previsible que, despois do encontro mantido este venres, a última cita do período informal sexa a do próximo xoves 9. Despois empezará o formal, que ten de tope 30 días.
Este venres, a entidade presentou a proposta de armonización de condicións laborais para o persoal. Tamén trasladou unha oferta de prexubilación a partir de 58 anos como regra xeral, 57 anos para Bankoa e Novo Banco en rede e 55 en servizos centrais de ambas.
As fontes sindicais consultadas mostran o seu desacordo coas porcentaxes para abonar aos prexubilados, por non recoller cláusula IPC, afirman, e por non incorporar esquema de garantía e prexubilación.
