Por E.P. | SANTIAGO DE COMPOSTELA | 12/03/2022 | Actualizada ás 16:53
O Concello de Lalín acolleu este sábado a presentación do proxecto 'Cocer do Camiño', unha idea baixo a que se prevén organizar varias actividades ao longo do ano para pór en valor este prato nas diferentes rutas xacobeas.
Entre as accións que destacan está a celebración do Festival Cocidos do Camiño ou o primeiro Congreso Gastronómico do Camiño, que pretende converter a Lalín no "quilómetro cero da gastronomía tradicional".
A Xunta apoiou esta iniciativa mediante Turismo de Galicia cunha axuda de 100.000 euros. Este sábado, o vicepresidente primeiro, Alfonso Rueda, acudiu ao municipio pontevedrés a presentar este proxecto que, segundo trasladou a administración autonómica nunha nota de prensa, ten como obxectivo "a irmandade" de Galicia con outros territorios que cociñan este prato tradicional.
Así, 'Cocer do Camiño' retoman o proxecto iniciado no Xacobeo 2010 con "actividades de confraternidade" entre Galicia e outros puntos da xeografía peninsular e do estranxeiro, como Astorga, que conta co cocido maragato, ou o cocido lebaniego de Potes (Cantabria), o cocido portugués de Penafiel ou o 'pot au feu', da rexión francesa de Aquitania.
Alfonso Rueda resumiu que o cocido e o Camiño "engloban o mellor de Galicia", xa que definiu as rutas xacobeas como "o escaparate en grao sumo xenuíno" de Galicia e ao cocido como un produto das "hortas, granxas e despensas" galegas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.