'Malencolía', a nova película de Alfonso Zarauza, chega este fin de semana aos cinemas
'Llegaron de noche', 'Cámara café' e 'A tiempo completo', outras estreas da semana
Por E.P. | Compostela | 25/03/2022 | Actualizada ás 11:47
'Malencolía', nova película do director santiagués Alfonso Zarauza, chega ás pantallas dos cinemas este fin de semana, último do mes de marzo, que se despide coas estreas de 'Llegaron de noche', a adaptación de 'Cámara café' e a cinta francesa 'A tiempo completo'.
A última película do responsable de 'Ons', 'Os fenónemos' ou 'Encallados' narra a historia de Sira e Pepe, unha parella que tras 10 anos vivindo en Berlín, deciden dar un novo rumbo á súa vida regresando a Galicia. Con ese obxectivo, comprarán unha casa nunha aldea que consideran abandonada, pero na que vive unha señora coa que manterán unha estraña relación.
Nos premios Mestre Mateo entregados o pasado fin de semana, Iolanda Muíños e Diego Anido levaron o galardón a mellor actriz e actor de repartición por esta película protagonizada por Melania Cruz e Xulio Abonjo.
