Descenso a 332 o total de casos de Covid-19 en residencias de maiores e de persoas con discapacidade en Galicia
Así se desprende dos datos actualizados este mércores pola Consellería de Política Social que facilita unha vez por semana por área sanitaria e en conxunto entre centros de maiores e de discapacidade.
Por Europa Press / Redacción | SANTIAGO DE COMPOSTELA | 30/03/2022 | Actualizada ás 16:06
Os casos activos de Covid-19 nas residencias de maiores e de persoas con discapacidade en Galicia descenderon a 332 a domingo 27 de marzo, que supoñen 10 menos que os 342 rexistrados o mércores pasado --día 23-- na Comunidade galega.
Así se desprende dos datos actualizados este mércores pola Consellería de Política Social, recollidos por Europa Press, que facilita unha vez por semana por área sanitaria e en conxunto entre centros de maiores e de discapacidade.
Ademais, Política Social aclara que os datos deste último parte que facilita corresponden ao domingo 27 de marzo tras ser modificado este pasado luns, día 28, o sistema estatal de seguimento de casos, polo que xa non se aisla aos positivos, salvo excepcións, e non se fan probas diagnósticas á poboación xeral.
Con máis casos activos segue a área Sanitaria de Ourense, Verín e O Barco de Valdeorras con 111 usuarios contaxiados, que representan 17 máis que os 94 rexistrados hai unha semana.
Séguelle a área de Lugo, A Mariña e Monforte de Lemos con 64 positivos en residencias, que implican 25 máis que os 39 contabilizados o mércores pasado.
Tras elas, colócase a área de Vigo, con 46 usuarios positivos, que representan 11 menos que os 57 de hai unha semana; mentres que a de Pontevedra e O Salnés concentra 45 contaxiados nestes centros, 16 máis que os 29 do mércores anterior. Mentres, a área da Coruña e Cee rexistra 29 usuarios con Covid en residencias de maiores e de discapacidade, que implican 18 máis que os 11 contabilizados o mércores 23.
A continuación sitúase a área Sanitaria de Ferrol, con 28 usuarios infectados, que constitúen 16 menos que os 44 de hai unha semana; e á cola colócase a de Santiago e Barbanza, con nove infectados, que representan 59 menos que os 68 do mércores 23 de marzo.
