A violencia de xénero en cifras: case 1.900 casos activos na provincia da Coruña

A provincia da Coruña rexistra 1.873 casos activos por violencia de xénero, segundo os datos achegados pola subdelegada do Goberno, María Rivas, na visita ás instalacións do cuartel da Garda Civil de Cambre, que contará cun equipo especializado nesta materia. A eles, súmanse na área coruñesa os de Arteixo, Carral, Culleredo e Oleiros. En total, na provincia están situados nun total de dez puntos.

Na visita ao novo equipo, que leva un mes de traballo en Cambre, estivo acompañada polo coronel xefe da Comandancia da Garda Civil da Coruña, Francisco Javier Jambrina, e o responsable do posto, o tenente Javier Medela.

Os obxectivos dos novos equipos son, segundo a subdelegada, mellorar a calidade da atención ás vítimas, intensificar o seguimento de cada caso, tanto para vítimas como para agresores, e mellorar a coordinación coas policías locais. "Significan un antes e un despois no coidado das nosas vítimas e no freo aos agresores", sinalou María Rivas, quen incidiu en que a loita contra a violencia machista e as accións para favorecer a igualdade deben ser unha "prioridade".

Imaxe recurso de violencia de xénero. XUNTA DE GALICIA