Catro décadas de 'Rompente', o proxecto de Antón Reixa para sacar a poesía á rúa
O colectivo establecido con Alberto Avendaño e Manuel M. Romón regresa 40 anos despois nunhas xornadas en Madrid.
Por E.P. | SANTIAGO DE COMPOSTELA | 11/05/2022 | Actualizada ás 13:41
O Museo Nacional Centro de Arte Reina Sofía (MNCARS) e o Círculo de Bellas Artes de Madrid dedicarán os próximos días 13 e 18 de maio, respectivamente, varias actividades para profundar no que significa a proposta vangardista de 'Rompente. Grupo de comunicación poética', integrado por Alberto Avendaño, Antón Reixa e Manuel M. Romón.
Coa edición dun novo libro, a organización de recitais e performances e varias conferencias, ambas as institucións manteñen a vixencia das formulacións artísticas iniciados na década do setenta polo tres activistas culturais. Avendaño, Reixa e Romón volven reunirse 40 anos despois cunha proposta interdisciplinar, na que se combina poesía con proxeccións audiovisuais.
Cunha formulación inédita, 'Rompente' apostou por trasladar a poesía á rúa. Realizaron performances, editaron libros e fanzines, organizaron concertos de música contemporánea, dirixiron programas de radio e participaron en manifestacións do sector naval. Constituían un novo tipo de poesía con base na vangarda, que os equiparou a movementos internacionais como o desenvolvido por Fluxus, do que formaron parte artistas como George Maciunas, John Cage, Nam June Paik, Josep Beuys ou Yoko Ono, entre outros.
"Comezamos en 1976 e estivemos ata 1983. Naquela época, quecoincidía cos primeiros tempos da democracia, optamos por unaactitud literaria que rompía os xéneros, na procura da fusión de todas as prácticas artísticas", lembrou Antón Reixa.
Ao cumprirse corenta anos da disolución do colectivo e baixo o título 'Unha experiencia do underground atlántico', o ReinoSofía propón unha dobre sesión de reflexión sobre o significado histórico daquela experiencia, sobre a súa memoria, as súas formas de produción artística e as derivadas políticas propias. Participará, entre outros, Manuel Jabois, Menchu Lamas, Anxo Calvo Ulloa, Carlota Álvarez Basso, Alba Cid, Alberto Valverde, Alicia Pajón Fernández, Roberto Oliveira Ogando, Lida Mateo Leivas, ademais de Antón Reixa e Alberto Avendaño.
