Mostra retrospectiva sobre María Casares no Quiosco Alfonso da Coruña
"Trátase da volta da súa memoria á cidade e a gran oportunidade dos nosos veciños e veciñas de coñecer máis en profundidade quen foi esta importantísima muller", sinalou Inés Rey.
Por E.P. | A CORUÑA | 12/05/2022 | Actualizada ás 20:28
O Quiosco Alfonso da Coruña acolle desde este xoves a exposición 'María Casares, actriz océano. Itinerario vital dunha exiliada', a primeira mostra retrospectiva sobre a artista de orixe coruñesa. É, ademais, o acto central do Ano Internacional María Casares, organizado polo concello herculino para conmemorar o centenario do seu nacemento.
A alcaldesa, Inés Rey, participou no acto xunto á comisaria da exposición, María Lopo, e o familiar de María Casares, Michel Casares, que o mércores formalizou a doazón á cidade de 282obxectos da colección persoal da artista.
Esta é a maior mostra feita ata o momento sobre a actrizde orixe coruñesa. "Trátase da volta da súa memoria á cidade e a gran oportunidade dos nosos veciños e veciñas de coñecer máis en profundidade quen foi esta importantísima muller", sinalou Inés Rey.
A exposición contén máis de 200 pezas e fotografías que trazan unha cronoloxía da vida da homenaxeada, desde o seu nacemento na Coruña ao seu éxito como actriz no exilio francés, pasando pola súa etapa en Madrid e a súa formación.
