O Concerto das Letras Galegas rende homenaxe a Florencio Delgado e ao exilio en México
O evento serviu para estrear a peza 'Diásporas', composta para a ocasión por Carme Rodríguez a partir dos textos de 'Galicia infinda', poemario referencial do autor.
Por Europa Press / Redacción | OURENSE | 16/05/2022 | Actualizada ás 21:20
O Concerto dás Letras Galegas celebrouse este luns no Teatro Loureiro Olmo, no Barco, que se encheu para homenaxear a Florencio Delgado Gurriarán --Vilamartín de Valdeorras, 1903 - Fair Oaks, 1987--.
A duodécima edición deste concerto que organiza o Consello da Cultura Galega (CCG), que é a antesala do Día das Letras, repasou musicalmente o legado do homenaxeado e lembrou a memoria dos exiliados en México, como foi o caso de Delgado Gurriarán.
O evento serviu para estrear a peza 'Diásporas', composta para a ocasión por Carme Rodríguez a partir dos textos de 'Galicia infinda', poemario referencial do autor.
Entre outros, asistiron a presidenta do CCG, Rosario Álvarez; os alcaldes do Barco, Alfredo García, e de Vilamartín, Enrique Álvarez; o secretario xeral de Política Lingüística, Valentín García; a directora xeral de Patrimonio, María del Carmen Martínez; o presidente da Real Academia Galega, Víctor Freixanes, e a familia do homenaxeado.
"O legado de Florencio Delgado Gurriarán bota luz sobre un exilio non demasiado coñecido, o mexicano, no que se escribiu un capítulo non menor da historia europea", subliña Dores Vilavedra, membro do Consello da Cultura Galega.
