Gadis recada case 30.000 quilos en maio para o Banco de Alimentos de Vigo
Por Europa Press / Redacción | VIGO | 21/06/2022 | Actualizada ás 11:10
A Fundación Provincial Banco de Alimentos de Vigo recadou uns 29.000 quilos de comida de primeira necesidade grazas á súa campaña #mayosolidario impulsada pola cadea de supermercados Gadis durante o mes pasado.
En concreto, neses 29.000 quilos de alimentos inclúense as doazóns de produtos entregados por clientes e a propia empresa, así como as achegas económicas realizadas ao pasar por caixa, segundo explicou a organización nun comunicado.
Aínda que a acción solidaria levou a cabo durante todo o mes de maio, foi o fin de semana do 27 e 28 cando máis de 400 voluntarios do Banco de Alimentos participaron na mesma para reforzar coa súa presenza.
"A Operación Quilo con persoal da ONG desenvolveuse con éxito nunha trintena de supermercados Gadis da provincia, concretamente en Vigo, Mos, Nigrán, Tui, Pontevedra, Cambados, Lalín, Marín, Sanxenxo e Vilagarcía", subliñou Banco de Alimentos.
