Desvían a Asturias e Santiago os tres primeiros voos da mañá na Coruña por culpa da néboa

A néboa obrigou a desviar a Asturias e a Santiago os tres primeiros voos da mañá deste luns no aeroporto de Alvedro, na Coruña.

Segundo informaron fontes de Aena, os bancos de néboa que afectan á primeira hora da mañá varias zonas de Galicia impediu que tomasen terra na terminal coruñesa tres voos. Así, o avión da compañía Volotea procedente de Bilbao foi desviado a Asturias, mentres que dous voos con orixe en Madrid --un de Air Europa e o outro de Iberia-- foron derivados a Santiago.

Tanto a terminal compostelá como a de Peinador non rexistraron polo momento incidencias asociadas aos bancos de néboa que se reparten por Galicia.

Néboa na A-8, a Autovía do Cantábrico, no Alto do Fiouco. AXM