Un camioneiro sofre unha saída de vía tras ser picado por unha avespa

Un camioneiro sufriu unha saída de vía no municipio pontevedrés de Salceda de Caselas ao ser picado por unha avespa mentres conducía.

O suceso, do que informou o CIAE 112 Galicia, tivo lugar ás 10,30 horas deste martes na rúa Joaquín Fernández Sestelo.

A causa do sinistro foi a picadura dunha avespa, que provocou que o condutor perdese o control do camión e que este se saíse da estrada para acabar chocando contra a fachada dun edificio.

A vítima foi evacuada ao Hospital Álvaro Cunqueiro de Vigo polos profesionais de Urxencias Sanitarias 061.

Camioneiro conducindo un camión | Fonte: transporte 3