Temas: FOLGOSO DO COUREL POBRA DO BROLLóN DESASTRE ECOLóXICO MACEDA COUREL QUIROGA BIODIVERSIDADE GALICIA FORESTAL ANIMAIS MONTE

Arde Galicia: "Pódese dicir que este desastre ecolóxico ten a dimensión do Prestige"

O alcalde da Pobra do Brollón, José Luís Maceda, chama a rexenerar O Courel "canto antes".

Por Europa Press / Redacción | SANTIAGO DE COMPOSTELA | 12/08/2022 | Actualizada ás 14:33

O alcalde da Pobra do Brollón, José Luís Maceda, chamou a rexenerar a zona arrasada polo lume na serra do Courel "canto antes" tras sufrir o que considera un "Prestige forestal". "É de gran tristeza e frustración ver como quedou arrasada toda esa zona", lamentou o rexedor sobre un lume que calcinou 11.100 hectáreas, no maior incendio en Galicia desde que hai rexistros.

Na Pobra, o rexedor sinala que este lume "arrasou unha zona de especial riqueza forestal e de interese paisaxístico, nunha zona que limita co Courel". Así, sostén que "neste momento hai que buscar unha solución para rexenerar o monte canto antes, e nalgún caso tramitar as axudas para rehabilitar as vivendas afectadas".

Sobre a declaración de zona catastrófica, José Luís Maceda, apuntou que debe ser como un "todo" que afectou a tres municipios: A Pobra, Folgoso do Courel e Quiroga. "No Courel o lume afectou á reserva da biodiversidade de forma moi importante. O desastre ecolóxico está aí, e pódese dicir que ten a dimensión do Prestige", comparou Maceda.

O alcalde da Pobra do Brollón, que é veterinario, calcula que "foron moitos máis de 40.000" os animais que puideron perecer neste incendio.

Temas: FOLGOSO DO COUREL POBRA DO BROLLóN DESASTRE ECOLóXICO MACEDA COUREL QUIROGA BIODIVERSIDADE GALICIA FORESTAL ANIMAIS MONTE

2 Ferroviario

Pero : a) Está prohibido plantar mais eucaliptos. b) A cerne do problema é que moitos incendios en Galicia son provocados, e non precisamente pola oligarquía madrileña. Eis o que determinados discursos sempre calan. C) Este ano os grandes incendios son en Ourense, precisamente onde hai poucos eucaliptos. D) Os eucaliptos son una praga, pero tampouco é precisamente a oligarquía madrileña quen os planta. E) Cando hai un incendio arrasa con todo, as carballeiras non o paran. F) O rollo ese de " servos" paréceme moi pasado.

1 Moine

A seguir plantando eucaliptos e pinheiros, dentro de pouco nom teremos nem terra para colheitar nela. Sob umha plantaçom de eucaliptos ou pinheiros fai mais calor que fora d’elas, por tanto ressecam a terra e nom mantem a humidade; sob um souto ou carvalheira há mais fresco que o calor de fora d’elas, por tanto mantenhem a humidade; esta é a cerna do problema. Mas, temos que produzir celulose para enriquecer à oligarquia madrilenha; até as empresas assentadas na Galiza, tenhem o seu domicilio fiscal em Madrid; enquanto aqui, na Galiza, estamos a suportar a sua contaminaçom e os seus custos. Quem paga a política contra-incêndios, senom nós; tratam-nos como servos e Nós seguimos a votar aos partidos madrilenhos, manda caral..!