Morre afogado un home na praia de Area Gorda, en Sanxenxo
Por Europa Press / Redacción | PONTEVEDRA | 23/08/2022 | Actualizada ás 22:09
Un home morreu afogado na praia de Area Gorda, en Sanxenxo, este martes. O seu corpo foi rescatado polos socorristas do areal que viron o corpo flotando no mar boca abaixo, segundo informou Emerxencias 112 Galicia a Europa Press.
O servizo de emerxencias tivo coñecemento dos feitos a través da chamada dun particular ao redor das 18.30 horas desta tarde na que se indicaba que os socorristas estaban a atender a unha persoa.
Os vixiantes sacaron o corpo do home da auga e iniciaron as manobras de reanimación pero cando chegaron os servizos sanitarios só puideron confirmar o seu falecemento.
De maneira inmediata, o persoal do Centro Integrado de Atención á Emerxencia 112 Galicia, informou da situación a Urxencias Sanitarias de Galicia 061, á Garda Civil, á Policía Local, a Salvamento Marítimo e ao Servizo de Gardacostas de Galicia.
