Boas noticias para as Illas Atlánticas: os seus fondos mariños están en "bo estado de conservación"
Nas Cías localizáronse nove novos hábitats e en Ons e Sálvora cinco.
Por Europa Press / Redacción | SANTIAGO DE COMPOSTELA | 04/09/2022 | Actualizada ás 14:16
As últimas análises realizadas con drones subacuáticos no Parque Nacional das Illas Atlánticas constataron o "bo estado de conservación" dos seus fondos mariños. Segundo destacou a Xunta, o estudo dos hábitats e especies costeiras submareales realizouse a través de censos visuais levados a cabo con inmersións de equipos de mergullo autónomo que tiveron lugar nos meses de maio e xullo no catro arquipélagos que integran o parque.
Así mesmo, explicou que os tramos elixidos para estas inmersioens foron os mesmos que os seleccionados no ano 2014 para traballos previos de seguimento de comunidades biolóxicas. As gravaciones efectuáronse con 'Seasam Rov', un dispositivo proporcionado por Zoomare cunha capacidade de alcance de 100 metros de profundidade. Ademais, os mergulladores ían equipados con computadores submarinos que rexistraron a profundidade e a temperatura en cada punto do percorrido.
Despois, levouse a cabo a análise das imaxes no laboratorio coa elaboración dun inventario caracterizado en función da presenza das especias máis notables. Deste xeito, cuantificouse o número de individuos observados dun total de 21 especies piscícolas, seleccionadas en base á súa presenza habitual nos hábitats do parque e clasificadas baixo as categorías de presente, abundante e moi abundante.
Así, no caso do arquipélago das Cíes, localizáronse nove novos hábitats con respecto a 2015 mentres que na Illa de Ons seis hábitats experimentaron cambios dando lugar á aparición de cinco novas zonas naturais. Ademais, Sálvora, que conta con cinco hábitats distintos con respecto ao estudo feito fai sete anos, apareceu unha zona de roca dominada por invertebrados con corais.
Por outra banda, no que respecta a Cortegada, non se observaron grandes cambios no fondo dos espazos analizados aúnque manteñen os traballos para retirar exemplares de leituga de mar, despois de detectarse unha elevada presenza desta especie oportunista.
