Investigado un octoxenario que circulou en sentido contrario pola A-6 e produciu un accidente

Axentes da Garda Civil investigan a un home de 81 anos como presunto autor dun delito de condución temeraria, tras ser interceptado conducindo en sentido contrario pola autovía A-6.

Segundo informaron os axentes, os feitos sucederon sobre as 21,30 horas do pasado luns, cando a Garda Civil tivo coñecemento de que había un vehículo circulando en sentido contrario pola A-6.

As patrullas conseguiron localizalo no quilómetro 540, no límite entre as provincias da Coruña e Lugo, aínda que non puideron evitar que pouco despois, en Guitiriz, chocase contra outro vehículo que circulaba correctamente, aínda que só con danos materiais.

Os axentes procederon a imputar en calidade de investigado ao condutor do vehículo infractor, un veciño de Pontedeume  de 81 anos.

Coche kamikaze en sentido contrario na autovía da Costa da Morte