Curso práctico de aplicacións cartográficas no móbil para o ámbito agroforestal

A Axencia Galega de Calidade Alimentaria, dependente da Consellería do Medio Rural, celebrará na localidade lucense de Becerreá un curso práctico de aplicacións cartográficas en teléfono móbil para o ámbito agroforestal.

O taller terá lugar no Centro de Formación e Experimentación Agraria de alta montaña de Becerreá a partir do próximo luns, 21 de novembro, en horario de 16.00 a 21.20 horas.

O obxectivo desta formación é que os alumnos obteñan os coñecementos necesarios para empregar OruxMaps e IGN-Mapas de España na definición das súas rutas e traxectos no acotamento dos terreos sobre os que traballen e na realización de operacións planimétricas.

Este curso está dirixido aos mozos do rural galego, así como ás persoas vinculadas profesionalmente, ou con expectativa de incorporación, aos sectores produtivos gandeiros, agrarios, agroalimentarios e de cadea forestal-madeira.

Unha muller, Ana traballa o seu horto con máscara no Parque do Río Intre, en Lugo, a 24 de marzo de 2021 | Fonte: E.P.