Axudar ás mulleres que padecen autismo, centro das investigacións de Ángel Carracedo
Un proxecto galego investiga como detectar a camuflaxe do TEA en mulleres, co apoio da Fundación María José Jove
Por E.P. | A CORUÑA | 15/11/2022 | Actualizada ás 17:04
A Fundación María José Jove apoia un proxecto galego para detectar a camuflaxe do Trastrono do Espectro do Autismo (TEA) en mulleres.
Segun explica, cada ano nacen en España máis de 4.500 bebés con Trastorno do Espectro do Autismo (TEA), é dicir, 1 de cada 100 nacementos. Hai máis de 450.000 persoas con autismo en España, pero son máis de 1,5 millóns as persoas vinculadas ao TEA, tendo en conta aos seus familiares. Pero o cociente de diagnóstico en homes e mulleres é moi dispar: 3-4 homes por cada muller.
Partindo desta premisa, o equipo de investigadores que dirixe o doutor Ángel Carracedo, desde a Fundación Pública Galega de Medicina Xenómica (FPGMX), e a Fundación Instituto de Investigación Sanitaria de Santiago de Compostela (FIDIS) lidera en España, co respaldo da Fundación María José Jove, unha investigación para detectar o índice de camuflaxe do Trastorno do Espectro Autista (TEA) en mulleres.
"Se se logra ter en conta o efecto da camuflaxe á hora de realizar unha avaliación sintomatológica, poderemos axudar a un diagnóstico temperán e adecuado en mulleres con este trastorno e conseguir un acceso máis temperán ás terapias", explican desde a Fundación Pública Galega de Medicina Xenómica.
Respecto diso, dende a Fundación sinalan que "calquera persoa pode camuflar parte da súa personalidade, pero estudos recentes indican que moitas mulleres e nenas con diagnóstico de TEA e sen discapacidade intelectual tenden a camuflar calquera trazo que poida identificalas coa condición de TEA".
"Isto ten consecuencias moi negativas, incluíndo a perda de identidade e autoestima, o desenvolvemento de problemas emocionais e unha sensación cada vez maior de desgaste", engade.
