O Sergas tratará tres enfermidades raras
Galicia incorpora a Atrofia Medular Espinal, a Inmunodeficiencia Combinada Grave e a Hiperplasia Suprarrenal Conxénita no programa de cribado neonatal.
Por Europa Press / Redacción | VIGO | 19/11/2022 | Actualizada ás 13:59
O Servizo Galego de Saúde (Sergas) mellorará a atención ás enfermidades raras coa incorporación de tres patoloxías máis ao Programa Galego de Cribado Neonatal, segundo informou o conselleiro de Sanidade, Julio García Comesaña, este sábado na apertura da XXX Convivencia de Enfermidades Metabólicas no Carballiño (Ourense).
En concreto, a Atrofia Medular Espinal, a Inmunodeficiencia Combinada Grave e a Hiperplasia Suprarrenal Conxenita integraranse ao devandito plan, o que "incidirá no reforzo da atención ás enfermidades raras e na protección da saúde da poboación infantil galega".
Segundo recolle o Goberno autonómico nun comunicado, o Sergas promove a abordaxe integral destas patoloxías desde a Estratexia en Enfermidades Raras, que conta con tres unidades funcionais multidisciplinares que xa funcionan desde este ano en Santiago, A Coruña e Vigo, e xa están a prestar asistencia especializada aos pacientes.
Comesaña puxo en valor que Galicia dispoña dunha das carteiras de cribado neonatal máis ampla de toda España, "que ademais do sete patoloxías que recolle a carteira básica do Servizo de Saúde aglutina o cribado de ata 30 patoloxías".
