O Consello Asesor do Sergas valora "positivamente" as novas medidas aprobadas para o persoal sanitario
A directora de Recursos Humanos do Sergas respaldou a convocatoria das prazas de difícil cobertura
Por E.P. | Santiago de Compostela | 15/02/2023 | Actualizada ás 18:46
O Consello Asesor do Sistema Público de Saúde de Galicia, máximo órgano de consulta da Consellería de Sanidade, valorou "positivamente" as medidas anunciadas nos últimos días para o persoal sanitario, segundo informa a Xunta nun comunicado.
A directora xeral de Recursos Humanos do Servizo Galego de Saúde (Sergas), Ana Comesaña, presidiu este mércores a reunión deste órgano que abordou, entre outros asuntos, a convocatoria dun total de 413 prazas de difícil cobertura por concurso de méritos en Atención Primaria, Pediatría, saúde mental e hospitais comarcais.
Ademais, os asistentes trataron as axendas de 33 cotas ordinarias e sete ocos para urxencias, así como outras medidas no tocante á carreira profesional e o benestar emocional do persoal.
