A Xunta resalta o labor da entidade Ambar "en favor da plena inclusión das persoas con discapacidade"

A conselleira de Política Social e Xuventude, Fabiola García, destacou este martes o traballo que, desde hai 40 anos, leva a cabo a entidade Ambar, de Ribeira, "en favor da plena inclusión das persoas con discapacidade e de apoio ás familias".

Segundo trasladou a Xunta nun comunicado, na súa visita aos centros de día e ocupacional desta asociación, García asegurou, en compañía do alcalde de Ribeira, Manuel Ruiz, que a traxectoria desta entidade "fai dela unha referente en Galicia". Desta maneira, García fixo fincapé "na atención especializada e no agarimo co que todo o equipo de Ambar coida das persoas que acoden diariamente" ás súas instalacións.

A conselleira de Política Social e Xuventude, Fabiola García | Fonte: Europa Press