Galicia rexistrou 17 mortes en accidentes de tractor o pasado ano

Os equipos sanitarios da Fundación Pública Urxencias Sanitarias de Galicia-061 atenderon durante o pasado ano un total de 68 accidentes de tractor, con 72 persoas implicadas, das que 17 faleceron no acto.

Durante o ano 2022, O 061-Galicia atendeu 68 accidentes de tractor, nos que se asistiron 72 persoas. Segundo os datos da Fundación Pública, os meses de xullo, setembro e maio son os que rexistraron maior número de sinistros, con 14, 11 e 9 accidentes de tractor asistidos, respectivamente.

Por provincias, A Coruña foi a provincia que rexistrou máis accidentes de tractor en 2022, con 23 sinistros, seguida por Pontevedra, con 22, Lugo, con 14 e, por último, Ourense, con 9 accidentes. En canto aos concellos, Pontevedra foi o que tivo o maior número de asistencias, con catro accidentes, seguido pola Coruña, con tres, e Aranga, Boiro, Brión, Dodro, A Estrada, Gondomar, Meaño e Salvaterra de Mino, con dous sinistros cada un.

A través dun comunicado, a Fundación pediu á poboación "extremar as precaucións para previr os accidentes de tractor e vehículos similares durante a realización de tarefas agrícolas".

PRECAUCIÓNS

Os sinistros provocados por carencias técnicas ou do mantemento do vehículo, condicións meteorolóxicas e do terreo adversas ou posibles imprudencias da persoa que conduce, entre outras, converten os accidentes de tractor en "unha das principais causas de sinistralidade e mortalidade no campo", advirten desde o 061.

A isto súmase o "numeroso parque móbil" no rural e a "elevada idade das persoas que realizan tarefas agrícolas", o que contribúe a aumentar os accidentes causados por estes vehículos e a súa gravidade. Coincidindo co período do ano no que aumentan as horas de sol e os días son máis longos, a Fundación Pública quixo lembrar a importancia de cumprir coas medidas de seguridade na condución de tractores.

Estas medidas baséanse, principalmente, en respectar as normas de circulación, manter unha velocidade idónea e cumprir coa sinalización da máquina durante o día e a noite. Ademais, é necesario que o vehículo dispoña dos elementos de seguridade viaria obrigatorios e mantéñanse en bo estado. Tamén, resulta imprescindible que o número de pasaxeiros non supere ao indicado polo fabricante do vehículo.

COMO ACTUAR

Como medidas de protección fronte ao envorco do tractor, o vehículo debe dispor dunha estrutura homologada de protección (cabina, pórtico ou estrutura similar), débese empregar o cinto de seguridade e, regularmente, realizar un mantemento adecuado das proteccións.

ACCIDENTES EN 2022

Durante o ano 2022, O 061-Galicia atendeu 68 accidentes de tractor, nos que se asistiron 72 persoas. Segundo os datos da Fundación Pública, os meses de xullo, setembro e maio son os que rexistraron maior número de sinistros, con 14, 11 e 9 accidentes de tractor asistidos, respectivamente.

Por provincias, A Coruña foi a provincia que rexistrou máis accidentes de tractor en 2022, con 23 sinistros, seguida por Pontevedra, con 22, Lugo, con 14 e, por último, Ourense, con 9 accidentes. En canto aos concellos, Pontevedra foi o que tivo o maior número de asistencias, con catro accidentes, seguido pola Coruña, con tres, e Aranga, Boiro, Brión, Dodro, A Estrada, Gondomar, Meaño e Salvaterra de Mino, con dous sinistros cada un.

Dos 72 pacientes asistidos entre xaneiro e decembro de 2022, 11 foron atendidos no punto, 44 necesitaron ser trasladados a un centro hospitalario e 17 persoas morreron no lugar no que se produciu o accidente.