Besteiro viaxa a Pontevedra para reunirse cos familiares das víctimas do naufraxio do 'Villa de Pitanxo'
As familias solicitaron a reunión para pedir ao Ministerio de Transportes, Mobilidade e Axenda Urbana que colabore ca operativa de baixada ao buque.
- Vigo homenaxea ás vítimas do Villa de Pitanxo coa instalación dunha placa no porto
- Reconstruídos os últimos minutos do Villa de Pitanxo antes de afundir en Terranova
Por E.P. | Santiago de Compostela | 15/05/2023 | Actualizada ás 11:09
O delegado do Goberno en Galicia, José Ramón Gómez Besteiro, reunirase este martes, día 16 de maio, coas familias dos falecidos no naufraxio do pesqueiro galego 'Villa de Pitanxo', que se afundiu a 450 quilómetros da costa de Terranova (Canadá) en febreiro de 2022. O encontro levarase a cabo na Subdelegación do Goberno de Pontevedra despois de que estas o solicitaran a semana pasada.
Tal como informou a portavoz das familias, María José de Pazo, o tema principal da reunión será solicitar que o Ministerio de Transportes, Mobilidade e Axenda Urbana colabore e dea traslado á Audiencia Nacional de toda a información necesaria para a operativa de baixada ao buque, xa que é este órgano xudicial o que dirixe a investigación.
O delegado do Goberno en Galicia, José Ramón Gómez Besteiro, comprometeuse a aclarar "calquera dúbida" aos familiares dos falecidos no naufraxio do pesqueiro. Así o manifestou, a preguntas dos xornalistas, despois de que este luns se confirmara unha reunión solicitada polas familias.O encontro levará a cabo na Subdelegación do Goberno de Pontevedra, xa que a maioría das familias residen pola zona.
