Investigadores galegoas desenvolven un proxecto de arrecifes artificiais
Son da Universidade da Coruña.
Por Europa Press / Redacción | SANTIAGO DE COMPOSTELA | 15/05/2023 | Actualizada ás 14:05
Un equipo do Centro de Investigación en Tecnoloxías Navais e Industriais do campus industrial da Universidade da Coruña (UDC) expón unha solución para o desenvolvemento de arrecifes artificiais sustentables que se basea no seu deseño cunha vida funcional limitada.
En concreto, foi un equipo liderado polo investigador Luís Carral, xunto con Carlos Álvarez Feal, Javier Tarrío, Juan José Cartelle e Carolina Camba, o que publicou un artigo na revista científica 'Heliyon'.
A introdución de arrecifes artificiais en mares e océanos pretende preservar e incrementar os recursos pesqueiros litorais, pero para a súa creación é preciso facer unha avaliación de impacto que asegure a súa viabilidade e sustentabilidade.
Para conseguilo, estes investigadores propoñen actuar sobre o material de base, o formigón, limitando a súa duración a un período de 15 anos, segundo explica a UDC.
Con esta actuación, destaca, lógrase reducir o impacto ambiental a medio prazo e permitir así "a reversibilidad do cambio introducido no ecosistema mariño".
Coa publicación deste novo artigo, o grupo de investigación, que recibiu este ano unha mención honorífica por outro proxecto e economía circular, "dá un paso máis e aposta pola procura da sustentabilidade".
